Savognin Sommer- und Wintersportort
  Cordial bavegna!
 
Tgeras abitantas ed abitants da Savognin, tgers giasts

An nom dallas instanzas communalas Az fatscha en cordial bavegna sen la homepage digl cumegn da Savognin. Ia ma legr zont fitg, d'Az dastgeir preschentar pi an detagl e sen chella veia igl noss cumegn e d'Az surlivgier uscheia igl contact cun las instanzas ed igls posts dall'administraziun.   

Cun la nossa homepage lainsa metter a disposiziun schibagn alla populaziun indigena scu er agls noss stimos giasts da vacanzas ena plattafurma cumplessiva, tgi lubescha, da clamar giu las infurmaziuns giavischeidas pertutgont igl noss cumegn an ena furma sperta e simpla. Ultra dall'intermediaziun d'infurmaziun duess la nossa homepage pero er porscher la pussebladad da communitgier igls voss giaveischs e las vossas propostas, ma er la vossa critica.  

Igl cumegn da Savognin sa sprova fitg, da sa profilar scu li d'abitar e da vacanzas, ma er da sa sviluppar scu li da mastiranza e lavour. Fegnameira da chel svilup stògl esser, d'adattar cuntinuadamaintg la purscheida turistica agls basigns digl taimp e digls giasts, da l'otra vart da mantigneir plazzas da lavour resp. da favorisar la creaziun da novas plazzas da lavour.    

Patric Vincenz
mastral